Hvaða áhrif hafa jarðskjálftar á íslenskt umhverfi?
Breiðholtsskóli, 2016
Lokaverkefni 10.bekkur
Dagur, Davíð og Sveinn
At Wix we’re passionate about making templates that allow you to build fabulous websites and it’s all thanks to the support and feedback from users like you! Keep up to date with New Releases and what’s Coming Soon in Wixellaneous in Support. Feel free to tell us what you think and give us feedback in the Wix Forum.
Þingvellir
Þingvellir
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellir við Öxará skuli vera friðlýstur helgistaður allra Íslending. Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.
Þingvellir og jarðskjálftar
Þingvallasvæðið tengist eldgosa- og sprungubeltinu sem liggur þvert yfir Ísland. Það er hluti flekaskila Atlantshafshryggjarins sem liggja norðan úr Íshafi og suður eftir öllu Atlantshafi.
Á Suðurlandi jagast flekarnir hvor framhjá öðrum en á Þingvöllum færast þeir í sundur og spilda á milli sígur. Fjarri flekaskilunum er hreyfingin jöfn, 2 cm á ári en á þeim sjálfum safnar bergið spennu á löngum tíma sem síðan losnar í umbrotahrinum þegar brotamörkum er náð.
Síðast gekk slík umbrotahrina yfir Þingvallasvæðið vorið 1789. Þá gekk 10 daga jarðskjálftahrina yfir Þingvelli. Við þá seig landið milli Almannagjár og Hrafnagjár um tæpa 2 m, mest í sigdældinni miðri
Vestmannaeyjar
Þó nokkrir jarðskjálftar fundust í Vestmannaeyjum áður en gos hófst á Heimaey, aðfaranótt 23. janúar 1973. Á Íslandi voru þá fáir mælar til að mæla jarðskjálfta og reyndist mjög erfitt að staðsetja skjálftana. Annarsvegar var reiknað út að skjálftarnir ættu upptök sín í Veiðivötnum og hinsvegar í Vestmannaeyjum. Þótti þó svo ósennilegt að jarðskjálftarnir ættu sér stað í Vestmannaeyjum að þær voru útilokaðar. Það kom því mörgum í opna skjöldu þegar gos hófst rétt utan við bæinn um miðja nótt.
Suðurland
Í gegnum tíðina hafa verið margir jarðskjálftar á Suðarlandsvæðinu sem hafa haft gríðarleg áhrif á Ísland og íslenskt samfélag. Suðurlandskjálftarnir eru taldir í eftirtaldri röð.
14 – 16.ágúst 1784
Miklir jarðskjálftar urðu 14. og 16. ágúst. Upptök fyrri skjálftans voru nálægt Laugalandi í Holtum en þess seinni í Flóa, suðaustan við Selfoss. Þrír fórust og mikið tjón varð á húsum og eignum.
1896
Hrina jarðskjálfta varð á Suðurlandi, fyrst 26. og 27. ágúst í Holtum og Landssveit, síðan 5. september í Flóa og á Skeiðum, 6. september með upptök í Ölfusi og 10. september í Grímsnesi. Mikið tjón varð á byggingum, mest í Holtum, Landssveit og Flóa.
6. maí 1912
Þann 6. maí varð harður jarðskjálfti sem átti upptök nálægt bænum Selsundi efst á Rangárvöllum. Nærri 30 bæir eyðilögðust og ungabarn lét lífið.
17. júní 2000
Árið 2000 urðu tveir harðir skjálftar á Suðurlandi. Sá fyrri varð 17. júní og átti upptök norður af Laugalandi í Holtum. Talsverðar skemmdir urðu á húsum en engin alvarleg slys á fólki, enda margi úti að halda upp á þjóðhátíðardaginn.
21. júní 2000
Árið 2000 urðu tveir harðir skjálftar á Suðurlandi. Sá seinni reið yfir skömmu eftir miðnætti þann 21. júní. Hann átti upptök sín í sunnanverður Hestfjalli í Flóa og olli nokkrum skemmdum á mannvirkjum. Engin alvarleg slys urðu á mönnum.
29. maí 2008
29. maí varð mikill jarðskjálfti sem átti upptök í Ölfusi, á milli Hveragerðis og Selfoss. Verulegt tjón varð á húsum og innbúi næst upptökunum en skemmdir á húsum þó minni en vænta mátti.
